Qağaməli Höküməli oğlu Seyfullayev 09.11.1966-cı ildə Biləsuvar rayonunda anadan olmuşdur.

1992-ci ildə Azərbaycan İnşaat Mühəndisləri İstitutunu inşaatçı-mühəndis ixtisası üzrə fərqlənmə diplomu ilə bitirmiş və gənc mütəxəssis kimi əmək fəaliyyətinə başlamışdır. 1992-1994-cü illərdə "Azərdənizneftinşaat” trestinin 1 saylı Tikinti-quraşdırma idarəsində usta, mühəndis, 1994-1998-ci illərdə N.Nərimanov adına NQÇİ-nin Əsaslı tikinti şöbəsinin rəis müavini, 1998-2001-ci illərdə "Azərdənizneftinşaat” trestinin 1 saylı Tikinti-quraşdırma idarəsində böyük iş icraçısı, 2001-2007-ci illərdə "Azərdənizneftinşaat” trestinin 1 saylı İxtisaslaşmış tikinti quraşdırma və təmir filialında böyük iş icraçısı, baş mühəndis, 2007-ci ilin aprel ayından dekabr ayına kimi "Neftqaztikinti” trestinin İstehsalat şöbəsinin rəisi, 2007-2008-ci illərdə Trestin Keyfiyyətə Nəzarət Departamentinin rəisi, 2008-2010-cu illərdə Trestin Anbar Təsərrüfatı İdarəsinin rəis müavini, 2010-2011-ci illərdə Trestin 7 saylı Tikinti Quraşdırma İdarəsinin rəisi, 2011-2012-ci illərdə SOCAR-ın Heydər Əliyev adına Bakı Dərin Özüllər Zavodunun direktorunun birinci müavini, 2012-2013-cü illərdə SOCAR-ın "Azəriqaz” İstehsalat Birliyinin direktorunun əsaslı tikinti üzrə müavini, 2013-cü ildən 2019-cu ilin oktyabr ayının sonunadək SOCAR-ın "Qaz İxrac” İdarəsinin rəisi vəzifələrində çalışmışdır.

01 noyabr 2019-cu il tarixindən "Neftqaztikinti” trestinin müdiri vəzifəsində çalışır.

2002-ci ilin may ayından Yeni Azərbaycan Partiyasının (YAP) üzvüdür. 2019-cu ilin noyabr ayında YAP-ın "Neftqaztikinti” trestində İlk Ərazi Partiya Təşkilatının sədri seçilmişdir.

Azərbaycan Respublikası Prezidentinin müvafiq sərəncamları ilə 2012-ci ildə "Tərəqqi" medalı, 2016-cı ildə isə "Əməkdar mühəndis" Fəxri adı ilə təltif edilmişdir.

Ailəlidir, 3 övladı var.